前港姐葉翠翠不時在社交網分享幸福家庭生活，但日前突然留言：「我為咗呢個家真係傾盡所有，毫無保留。」並表示「一言難盡」，網民擔心她與建築師老公周曉東出問題。昨日她發文澄清：「真係估唔到，簡單一句『好失望』會令大家諗咁多嘢，在淡淡的湖水泛起了漣漪。其實當日係關於工作，唔明點解有人可以連奶粉錢都要呃，扮同你做朋友，其實係有目的，對呢個人好失望。」
她又取笑老公減肥失敗：「至於爸B呢……減肥失敗，半夜食雪條食薯片飲汽水，又懶唔做運動，佢話係幸福肥喎！真係想一錘打扁佢肚腩，係絕望，唔係失望。」幽默地大晒恩愛。
