懶理傳緋聞 許家傑唔避忌 照約林淑敏
「大小姐」林淑敏及「送水輝」許家傑這對螢幕情侶，深受觀眾歡迎，更傳出戲假情真，近日被網友「捕獲」一齊行山，令緋聞又再升溫！他們坦言不會避嫌，試過私下約會，另一半亦清楚行蹤，希望大家不要亂想！
呂慧儀、滕麗名、湯盈盈、劉丹、林淑敏、許家傑、周嘉洛及袁文傑等，昨日於電視城出席無綫劇《愛．回家之開心速遞》之宣傳活動，適逢「驚蟄」，眾人在台上打小人！大小姐及送水輝一齊受訪，問到可試過嬲到想打小人？2人均表示不會，大小姐自言憤怒時會不出聲：「唔開心咁坐喺度，所以返到屋企老公就有排受，哈哈！佢見我唔出聲，佢都會唔舒服，不過我好快會嬲完，無謂傷身。」送水輝則自爆拍攝時頻頻NG：「最後搞到不歡而散，大家都唔開心，自己仲激到喊，後尾諗番唔需要發脾氣。」
向另一半備案
提到近日有網友見到2人一齊行山，大小姐笑言：「係正常活動，如果袁文傑喺度，大家就淨係見到佢，因為佢好高。」送水輝亦說：「之前同袁文傑行山，佢行前面太矚目，不過如果大家見到我，都可以好似見到周潤發咁同我say hi嘅。」又稱經常一班人行山，亦試過私下與大小姐相約跑樓梯，另一半亦知道，希望大家不要亂想，他們亦不會避忌。
呂慧儀呻開支大
至於呂慧儀坦言因疫情影響，少了很多工作：「冇計呀！收入媽咪管，我唔敢睇，睇到會好有壓力。」又稱為了安全，要請補習老師上門為兒子補習，收費自然增加，故要努力賺錢：「我唔喺屋企時，囝囝做晒功課後可以玩同睇卡通片，佢試過叫我唔好咁早返，因為佢可以睇耐啲電視呀，激死我！」