宣萱 20年舊衫着到依家

藝人宣萱和蔣怡昨日到上環出席美容活動，宣萱指近期趁放假珍惜與狗狗相處時光，亦報讀課程充實自己，繼報讀陶瓷班後，又將上堂學縫紉：「想學車衫將啲舊衫循環再用支持環保，或者整吓屋企啲窗簾。（以前買衫好瘋狂？）未至於瘋狂，咁後生就一定會買得多啲，買啲款都襟興，有啲衫10幾20年前買依家仲着緊。」講到工作，她認為現時到內地工作，因檢疫嚴謹，比其他地方更安全，但因要隔離，故短時間的工作暫時未必考慮。