余香凝萬千寵愛 被叫去瞓！
余香凝（Jennifer）為宣傳微電影而挺肚受訪，她透露戲中幫助患失智症的長者完成心願，後來收到鮑起靜的角色求助希望她做其孫女，陪伴度過人生最後一段日子，Jennifer說：「角色做呢份工因為留有遺憾，婆婆走咗都冇陪到佢，中間同鮑姐有好多好感人嘅互動。潘燦良都有份演出，微電影片長16分鐘，仲報名參加『創+作』比賽，無論贏唔贏都好，呢個電影班底都已經贏咗！」
鮑姐憂老伴失依靠
鮑姐坦承被劇本感動，又指若老來可以跟角色一樣預先安排「伴女」就非常滿意：「依家所有後生都喺世界各地，就一定剩番班老人，同自己好相似，個女依家喺英國。（擔心遲啲剩番自己？）我有啲擔心o架，但係較擔心我先生，如果我走咗，剩番佢會好淒涼，反而剩番我係得，我好堅強，會同個女講揀間好嘅老人院。」
微電影3個多月前竣工，當時Jennifer已粗身大勢，她笑說當有空檔就被全team人下令去瞓：「佢哋好錫我，因為主景係屋企，唔使埋位就叫我入房瞓。（孕期有冇唔舒服？）嗰時狀態好好，做嘢都好精神。」