蝦頭黃建東自爆「超親密」關係
藝人黃建東前晚孖好友楊詩敏（蝦頭）組成新組合「蝦東東」開Live唱歌，受訪時他們自封為娛圈另類版的金童玉女，但卻稱從未合作過拍劇集，希望有機會飾演情侶或歡喜冤家。講到若要拍親熱戲，蝦頭抵死笑說完全冇問題，因為之前都試過超親密、面貼面影食蝦條相。
黃建東將於今年入行10周年推出新歌，並趁機會邀請對方任MV女主角，蝦頭即興奮提議合唱，又搞笑說詳情可於輕舟上食住蝦條詳談。二人如此投契，問到現實中可有機會發展？他們聞言爆笑，蝦頭自爆理想型是黃建東這類型的男生：「呢Type韓星樣，同埋自己都有番咁上下分量，都想身邊嗰個係咁，攬都攬得舒服啲！」另外，男方近日惹來整容疑雲，更被指與Barbie男友Ken撞樣，他即於社交平台晒中學相力證是「全天然」，並自嘲唯一有變只是身形。