美國真人騷女王Kim Kardashian日前宣布與歌手老公Kanye West離婚，而曾主演過劇集《傳媒家族繼承人》（Succession）的32歲男演員Nicholas Braun，昨日乘機拍片抽水向Kim示愛！
片段中他躺在梳化上，表示希望Kim準備再拍拖時可以考慮與他約會：「只要諗起佢（Kim）離婚感受時都覺得好傷痛。我意思係，佢已經歷過3段婚姻，佢依家願唔願意認識一個新嘅男人？願意結識一個全新朋友，同完全唔同嘅人交往呢？佢或者會願意見吓呢個男人然後諗：『咦，呢類（男人）好唔同。呢條友古怪，但或者係好事。』呢件事會唔會發生喺佢身上？呢個就係我一直諗緊嘅嘢。」