蔡國威久疏戰陣怕出醜

蔡國威、敖嘉年及和音師阿銀前晚現身《星級靚聲演唱廳》直播音樂會,嘉年透露眾人早於27年前參加歌唱比賽已認識,蔡國威就表示心情既興奮又有壓力:「嘉年要求大家唱番當年參選歌曲,仲揀埋啲高難度嘅歌畀我唱,又出埋Rundown,好似開演唱會咁,之後仲問我有冇耳機,我又唔係歌手,點會戴過啫,所以好驚出醜。」嘉年則大派定心丸,笑指會從旁協助,着他不必擔心。