洪永城街場鬥波恰細路

洪永城（Tony）趁運動場所重開，急不及待落街場打籃球，與波友較技，豈料他竟找一個小朋友做對手，期間更公然「恰細路」！片中見他宣布開戰：「嚟呀，開波！」男孩多次嘗試投籃，他都藉身高優勢拍走個波，不過男孩依然笑得很開心，Tony笑說：「喺球場我真係好開心，亦喺度搵到真正嘅信心。我從不懼怕任何對手，只怕對手不夠強大。佢爸爸喺後邊打緊波，如果唔係會過嚟打我！」好友蕭正楠忍不住鬧他「城渣」，他回覆：「我同你打，我都會咁樣做。」有網民笑指該男孩會留下童年陰影，他即搞笑說：「童年美好回憶！」