江欣燕一級星唔識車震

江欣燕（欣欣）在劇集《失憶24小時》中飾演的士司機，外表粗魯，估不到有連場床戲，她笑言：「除咗我同家人嘅戲之外，其餘都係床戲，因為故事講飾演我老公嘅張達倫走咗，之後又想翻撻我，第一場同佢拍就係床戲。」她笑言自己向來是一級片女星，甚少拍這些場面：「記得有一場車震戲，我問導演係咪喺司機位做，導演話呢啲通常喺後座做，乜你冇試過？我話真係冇試過。」而欣欣亦十分敬業，她在其中一幕要露背演出，事前問定導演甚麼時候拍攝，預早脫去胸圍以免留bra痕。