馬貫東疏爽店長買1送10

馬貫東近期忙於拍攝劇集《把關者們》，亦不忘湯包生意，日前在合作店內親自擔任「一日店長」，Sell湯包送口罩，為慈善出一分力：「本身都預咗筆錢出嚟賣廣告，不如攞嚟幫助有需要嘅人，所以客人買任何一樣嘢，我哋會捐出10個口罩。（捐畀邊個？）暫時未有方向，考慮當中。」
馬貫東表示能夠感染身邊朋友齊齊做善事便最開心。
馬貫東表示能夠感染身邊朋友齊齊做善事便最開心。

他坦言生意額每月都有增長，有穩定客源：「好好呀，唔使蝕好開心！（會唔會再搞其他生意？）唔會啦，專心搞好呢度先！（利潤夠唔夠填番之前開熱狗手工啤酒吧嘅錢？）梗係未啦，不過我相信都快啦，所以要努力啲，我好畀心機宣傳。」

馬貫東做一日店長，既做宣傳，又做慈善。
  • 馬貫東做一日店長，既做宣傳，又做慈善。