陳家樂衛詩雅復活節《成婚》
陳家樂、衛詩雅主演新片《不日成婚》，原為牛年賀歲片，但因疫情關係，延至復活節公映，陳家樂對終落實上映日期大感高興，因同屬上佳的檔期，而衛詩雅則深信此片能引起觀眾的共鳴。
本港戲院於上周才重開，變相「腰斬」了農曆新年黃金檔，令原本在該檔期上映的電影，都要作出調動，其中包括英皇有份投資的《不日成婚》。現該片終落實於4月1日復活節黃金檔期上映，對此，陳家樂興奮地表示：「好開心，因為都係一個好重要嘅長假期，喺現時疫情之下，電影能否如期上畫存在好多變數，希望大家盡力控制疫情，保持身心健康，就可以一齊去戲院睇戲喇！」
一日內盡睇好戲
家樂是標準戲迷，得悉戲院重開，跟無數餓戲已久的影癡一樣，誓言要立即行動：「我都有好幾個月冇入戲院，好想喺一日之內，盡情睇晒所有想睇嘅好戲！」
至於衛詩雅則很期待觀眾看後的反應：「好想知道男士同女士睇完戲後，會唔會有唔同嘅觀感、反應，我自己睇完就好喜歡，相信觀眾會非常有共鳴！」
談善言感覺踏實
而在戲中與談善言飾演鬥氣夫妻的朱栢康則指復活節上映很有意義：「復活節上畫，即係象徵整個電影業復活喇，都幾好feel！」談善言則以「踏實」來形容當下感受：「好似一直提起嘅一隻腳，終於能夠踩番地下，有種腳踏實地嘅感覺，自己都好期待睇到呢齣作品。」