寸麥明詩抽水 林作學武4個月備戰

前港姐麥明詩舊愛林作，與「百億富三代」鍾培生的百萬擂台隻揪戰，未埋牙已隔空「開戰」。昨日他向資深搏擊教練向柏榮拜師學藝，自言信心十足，但連拳套都唔識戴！他預計用4個月操練：「我唔打鑊佢，冇辦法出一口氣！（麥明詩叫你哋唔好拎女性器官討論。）我冇乜個別評論，全城都抽緊水啦！」更指絕不龜縮，正等待鍾培生安排。他今次訓練費用逾10萬元，全數獲贊助。