英國名模姬摩絲（Kate Moss）的23歲模特兒妹妹Lottie Moss，最近於成人網站販賣自己的裸片、裸照，除了引來網友批評，更惹起家人震怒，但她一於少理！
跟隨姬摩絲腳步加入模界的同父異母妹妹Lottie，雖曾為高檔時裝與內衣品牌拍攝廣告，但她最近開拓另一「財」路，利用青春美貌與身材在成人網站販賣剝衫露肉照及影片，加入電子艷星行列，吸引寂寞網民科水！據稱其赤裸影片收費高昂，網友想一飽眼福，要花約1萬港元！
Lottie的小生意搞得風生水起，不過亦引來各種非議，有網友寸她「夠晒Cheap」，連其家人亦看不過眼！Lottie於社交網站自爆：「我呢日真係好X當黑……我因為搞成人網收到好多仇恨嘅留言，亦有家人好唔高興，不過坦白講，我依家喺洛杉磯生活得前所未有地好，我好耐未試過咁開心。我只需要令自己感覺良好，因為如果唔自愛，就冇其他人可以愛你。」