前港姐許芷熒去年為老公誕下女兒「馮寶寶」後，經常網晒家庭生活，前日她上載一段搞笑短片，自爆差點母女決裂！事緣她與老公將女兒放落地，觀察女兒先擁抱爸爸還是媽媽，可能「前世情人」魔力太大，囡囡撲向爸爸攬實，令她「嬲爆」表示不滿！
其後兩口子再試多次，今次女兒終攬媽媽，令她笑得勁開心，她留言：「爸爸媽媽兩個都愛……點揀好？情形就好似人哋問……如果阿爸同阿媽跌咗落海，你會救邊個先？原來我個女係會救爸爸先……Oh No……我唔識游水(口架)BB！」
