張兆輝連食7日糕 肥到凸腩

張兆輝、任達華、邵美琪、洪天明及陳靜等，昨日出席電影《被消失的凶案》開鏡拜神，飾演老差骨的張兆輝透露，角色不能扮有型之餘還要增肥，甚有難度，他說：「年初一到初七早、午餐都係食蘿蔔糕，老婆叫我睇吓個肚腩，其實都係肥咗幾磅啫！導演要我肥，老婆想我瘦。」談及早前在內地為電影拍槍戰戲時，因霰彈槍聲音太響致耳部劇痛，要入院治療，他表示現已沒大礙，為安全起見，下次會戴耳塞上陣。
張兆輝聽從導演指示增肥，卻被老婆詐型。
張兆輝聽從導演指示增肥，卻被老婆詐型。

洪天明爛面怕敏感

陳靜在片中經常被老公虐打，另方面又與天明有感情線，還有個8歲大兒子，絕對是演技大挑戰：「我幾乎場場都畀人打，有啲位冇法就只能真打，唔知點解，我成日演好慘嘅角色，今次仲慘啲添！」天明則擔心化爛面妝會令皮膚敏感：「依家都爛爛哋面，之前試妝化咗2、3個鐘，落妝又一段時間，所以到時要睇皮膚情況再決定點處理。」

而任達華與拍檔邵美琪再結片緣，但暫未知可有對手戲，已有兩片在手的任達華透露，還有另外兩片等開工，非常忙碌！

與洪天明有感情線的陳靜，自嘲套套戲都捱打。
  • 與洪天明有感情線的陳靜，自嘲套套戲都捱打。
任達華與邵美琪再度合作，但未知有否對手戲。
  • 任達華與邵美琪再度合作，但未知有否對手戲。