英國男子組合One Direction前成員Harry Styles，去年參演美國女星奧莉花懷特（Olivia Wilde）執導作《Don't Worry Darling》時撻着，女方舊愛Jason Sudeikis認為被人撬牆腳。Jason目前在英國倫敦拍劇，奧莉花與新歡Harry則會在新片煞科後一起返英國，屆時3人有機會碰面對質！
有知情者爆料：「所有嘢都好初步，奧莉花同Harry舊年11月先正式拍拖，但自從喺男方經理人個婚禮公開戀情後，關係發展得好快。Jason喺倫敦拍緊套劇《Ted Lasso》，仲照顧緊同奧莉花嘅仔女，可能交接時所有人都會碰頭！件事發展到呢個地步，場面肯定會好有趣，但依家冇嘢可以阻止到奧莉花同Harry嘅戀情。」