藝人可宜原定去年底結婚，下嫁有港版「流川楓」之稱的「甲一籃神」鄭錦興，但因為疫情而將婚期押後，所以今年由派利是變成繼續（扌豆）利是，她說：「係呀！好唔知醜呀！因為疫情關係，我喺英國嘅家姐返唔到嚟，希望今年暑假可以舉行婚禮。（會唔會派利是畀後輩？）其實往年都有，仲會派畀幫過我嘅工作人員添，但今年應該係最後機會（扌豆）利是啦，所以我都會好好把握呢個機會，哈哈！」
她坦言每年媽媽都會包餃子過新年，但往年只是負責食，今年決定學包餃子，為做人妻做好準備：「話晒都準人妻啦，所以今年真係要跟媽咪學吓，仲要捉埋男朋友學！」
