Jacky仔追夢闖日本捱世界
現年22歲、童星出身的Jacky仔（王樹熹）為了追求夢想，作出人生重大決定，離開香港到日本尋夢，早前在當地接受隔離後經已出關，努力融入當地生活。
日前他接受本報越洋訪問，憶述隔離生活，指除了在寓所看書打發時間，一日三餐亦親自下廚：「即使係隔離中，但落樓購買日用品同食材，原則上係冇問題，只係唔可以乘搭公共交通工具同喺食店進食，我都盡量唔逗留喺公眾場所。」他表示完成隔離後，會轉到橫濱任職Management的工作。
講到今次追夢的決定，他表示就讀大學期間曾副修日本文化及到日本短期交流，故對在日本工作有興趣。他亦以過來人身份建議有心到日本定居和發展的年輕人，最基本需要通過日文能力試驗N2程度以方便溝通：「好多嘢都係以日文為主，較難用英文溝通。（有咩要注意？）飲食文化點都有少少唔同，冇咁易搵到地道香港嘢食，同埋天氣比香港寒冷，要適應天氣。」
慶幸公司福利好
問到事前是否需要儲一筆錢來應付？他慶幸入職的公司福利好：「我嘅日本公司福利都唔錯，有搬遷、住屋嘅津貼。隔離住所、好多嘢都係公司負責，所以唔需要準備大量金錢過去，但其他日本公司可能冇呢啲資助。」