任達華方中信 大讚劇本精彩
影帝任達華與方中信昨日亦有現身，他們大讚劇本精彩，但未能透露角色內容，任達華表示：「只可以講每個人物都好精彩，一環扣一環，套戲講香港最繁榮嘅7、80年代，關於反貪，提示大家做嘢要腳踏實地。」
而方中信笑說：「聽完啲卡士之後，我二話不說真係差唔多好似阿Sa話齋，要畀番錢出嚟接呢個角色。」他亦讚故事特別：「戲內80年代同依家嘅社會環境、氣氛完全唔同，導演寫劇本，喺咁艱難嘅情況下都有老闆投資，所有嘢搭出嚟好難拍，幾用心做。」任達華亦說：「套戲希望將00後、90後、80後、70後、60後所有人拉埋一齊，係導演嘅野心。」