李亦喬哭訴晚晚失眠
曾參選港姐的女星「牛雜妹」李亦喬（Monnie）日前在社交網發文，自爆家人在元朗經營的麵店面臨結業，昨日她出席開幕活動時，提及此事不禁淚流！問到是否因為租金談不攏而結業？她說：「我哋間舖做咗17年，一直由業主代表律師同我哋協商，大家關係好好，近2年因為社會運動同疫情，業主都有減租。舊年10月我哋打算傾新租約，對方話我哋拖欠6位數租金，好突然咁收到提告紙，跟住大家拒絕溝通，件事交咗畀律師處理，排期下月審理。」
「喺舖頭食飯多過屋企」
她坦言被指拖欠的租金雖非小數目，但尚可負擔：「爸爸年紀大，退休冇問題，但唔想搞到咁唔光彩，希望件事可以和平解決。」又指自己與家人對麵店有深厚感情，今個農曆新年過得很不開心，一家人都失眠多個晚上：「我細個喺舖頭食飯多過喺屋企，如果唔係有呢間舖，都唔會有『牛雜妹』呢個名，我亦唔會入到行畀大家認識，所以好難過。」問到會否另覓舖位再起爐灶？她說：「依家舖頭仲做緊，都有好多朋友搵我，但始終間舖係屋企人，要同家人商量。」
