無綫人事變天，星夢娛樂行政總裁何哲圖（Herman）本月底離任，另起爐灶開設新公司，其一班「星夢愛將」去向備受關注！巧合地歌手吳若希（Jinny）日前邀請堪輿學家陳定幫為她預測運程，被批今年工作上容易有轉變，甚至有機會轉公司，未知是否意味她可能跟Herman離巢過檔。
陳定幫指Jinny轉變後有不錯效果，她即問：「我有冇機會做一姐？」對方有口難言，嚇得她大叫：「點解你咁嘅反應(架)？」並連番追問：「咁我係咪做唔到一姐？」場面搞笑。男方寄語她若然太刻意爭取，反而有反效果。之後指她子女緣旺，有機會生第3胎，她即時耍手擰頭，笑言希望老公做結紮手術。