傅嘉莉孖「潮文」組RunningGag
熱心公益的傅嘉莉日前相約好友楊潮凱及周志文清潔沙灘，3人久未在幕前一齊演出，傅嘉莉約定2位「潮文」拍綜藝節目，楊潮凱笑言要組團叫「Running Gag」！
傅嘉莉（Kelly）、楊潮凱及周志文早年合作無綫劇《衝上雲霄Ⅱ》成為好友，3人日前到龍蝦灣執垃圾，為清潔香港出一分力。不消半小時，每人已執滿2袋垃圾，可謂「滿載而歸」﹗
恨拍綜藝節目
Kelly認為環保及資源重用很重要，3人喜歡行山又做想有意義的事，故組織今次活動。潮凱則表示近年行山時，見得最多的垃圾是口罩：「希望大家有番個責任感，自己跌咗個口罩自己執番。」至於志文自爆試過在網上申請加入執垃圾群組，但至今仍未輪到他。
3人老友鬼鬼，不時相約見面，但工作上合作機會不多，Kelly期望大家一齊合作綜藝節目，2男即「舉腳贊成」，她笑問：「人哋係Running Man，我哋係咩好？」潮凱搞笑答：「我哋係Running Gag！」並稱想做公路旅行節目，揸車去不同地方，介紹各地的風土人情。
被叫做「打雜」
回顧過去一年，Kelly很開心首次演奸角：「初時有喺監製面前喊，因為覺得自己未必做到，角色嘅價值觀同自己好唔同。多得監製、導演同對手嘅信任，愈拍愈開心。」潮凱去年「處男下海」擔任電影導演，期望今年可安排在戲院上映。至於志文計劃推出兩首歌，寫更多勵志歌發放正能量，潮凱建議志文將MV拍成微電影，並自薦做導演，Kelly則做打燈及場務，女方聞言笑說：「我怕其他演員集中唔到精神喎！」