何依婷坐厭大髀 要番張櫈
參選港姐入行的何依婷，繼於處女劇《機場特警》着短褲坐楊明大髀後，再照辦煮碗於熱播劇《陀槍師姐2021》中「生擒」人夫鄭俊弘，更被對方「摸勻」全身，演出有別平時鄰家女孩、純純兔形象，火辣程度爆燈！
她受訪時怕醜話首天開工便是「生擒」戲碼，兼且是第1場戲、第1次見鄭俊弘，雖然自認沒有包袱，但始終跟對手不太熟，拍起來有少少尷尬：「有問導演係咪要玩到咁激，佢話係，為咗出嚟個效果好，最後都豁咗出去！」並再次重申希望新一年不再需要坐大髀，深怕會被定型：「可以坐梳化，或者坐番櫈都得o架！當然都要睇埋劇情，如果真係需要都冇辦法，但盡量坐番櫈啦！哈哈！」