王友良孖俄仔藝人搞時裝

「日本通」王友良百足咁多爪，除了是藝人經理人，還擔任櫻桃小丸子大中華區總監，新計劃是推出男女時裝系列，目標開拓中港台、日韓、俄羅斯以及意大利和法國市場。而其生意夥伴是來自俄國的利路修，二人同月同日生，工作上是好拍檔，私底下亦是好朋友，他說：「我哋係死黨，佢亦係我旗下藝人，都係1月23日生日水瓶座，佢細我好多，但想法好夾，大家諗嘢都偏啲，好自我，希望用我嘅營商經驗，加埋年輕人嘅想法，融入設計當中，時裝會滲透有『水瓶座』同『123』嘅元素。」他個人投資數十萬港元，計劃先做網購，之後再開實體店。