鄧佩儀圈外男友偷食斷正
藝人鄧佩儀出席活動時提到曾與圈外人拍拖，但飽受情傷，花了1年時間才復原，不過竟「因禍得福」，苦情戲演技改進不少！
陳豪、宣萱、羅子溢及鄧佩儀等昨午出席無綫熱播劇《陀槍師姐2021》宣傳。談到劇情推向高潮，即將交代鄧佩儀的角色離世，她突然感慨地說：「呢個故事教訓大家，千祈唔好愛錯！」問到是否曾受情傷？她坦言入行後曾與圈外人拍拖，後來得悉對方出軌，更親眼證實，她苦笑說：「用咗足足1年時間去療傷。（當時你情況好差？）總之搞到啲戲、尤其喊戲好咗好多。」
剛從內地拍劇返港過年的羅子溢，大爆太太楊茜堯「一篋去幾篋返」：「我哋5個人返嚟，足足有17個篋，我仲要騰出一個篋畀太太用。（碌你張卡？）又唔係好多錢。（今次套劇酬勞咁高，只係用咗面嗰層？）你哋見我咁嘅笑容就知啦！」
陳豪自稱「鑊王」
至於陳豪農曆新年在家下廚，海景豪宅因而曝光，他搞笑自稱「鑊王」：「我煮嘢好有鑊氣，餸菜都高水準。」宣萱聞言即笑說：「佢個老婆都好高水準。」氹得陳豪笑着認同。問到宣萱新一年會否加把勁拍拖？她笑說：「依家疫情我都唔出街，呢啲嘢隨緣啦！我好享受自己嘅生活。（情人節有冇約會？）我有個同性舊同學約我食飯。」
同場的洪永城被追問何時結婚派雙封利是？他說：「希望明年啦！（求咗婚？）目標啫！」他又透露4月開新劇，題材與鬼怪有關。對於恩師余詠珊調職，他說：「佢好有才能，新工作一定會駕馭到。（搵咗佢？）未，相信佢有好多嘢要處理，都祝何哲圖前程似錦。希望疫情後可以同曾志偉商量，再出發到世界各地拍旅遊節目。」