許志安預告復出 挑戰作曲

許志安因為偷食事件令演藝事業停頓多時，他曾參與音樂會演出，但只屬試水溫。踏入新一年，他預告正式復工，昨日就率領眾師弟妹劉浩龍、陳漢娜、蘇皓兒、馬志威及楊柳青等出席公司新春團拜。身形弗爆的他坦言不敢偷懶：「知道新年有得食盆菜、蘿蔔糕，所以過年前已經勤做運動，留定Quota，尋日覺得要跑番步，唔可以再食喇！」又表示因疫情關係只透過視像跟親友拜年。問到牛年大計，他希望作多方面嘗試，尤其是作曲：「想試吓拍劇、作曲，自己唱咗咁多年歌，但寫歌就唔多，最近鍾意練電子琴嘅時候作曲。」