感激伯樂栽培 菊梓喬如常開工
無綫人事變動，星夢娛樂CEO何哲圖（Herman）3月正式離任，「星夢一姐」菊梓喬（Hana）自2017年加盟後，即傳與師姐吳若希（Jinny）爭寵，深得Herman點名力捧的她連奪3屆「最受歡迎女歌星」，對於「靠山」Herman離職，昨日在錄音室開工的Hana說：「啱啱知呢個消息，好多謝一直以來Herman對我嘅栽培，無綫嘅音樂會一路向好。」Jinny則說：「佢對我哋好好，多謝佢咁多年嘅照料，希望佢繼續為樂壇帶嚟好嘅音樂。」而她的經理人合約屬於無綫，故相信沒受影響。
至於當年在《星夢傳奇》奪冠的鄭俊弘自爆去年底已跟星夢約滿：「新一年我有新嘅開始同嘗試，繼續努力做好自己。」並感謝Herman的栽培。譚嘉儀則說：「暫時未有咩定案住，等緊公司嘅安排，多謝大家嘅關心。」而去年初才加盟星夢的JW（王灝兒）多謝Herman的照顧外，並說：「由細已經好鍾意睇《超級無敵獎門人》同埋志偉嘅電影，所以對佢好有信心，好似佢咁講，一齊進步，帶畀市民歡樂，一齊製作好嘅節目同音樂畀大家！」
《聲夢傳奇》急煞停
此外，由余詠珊、何哲圖聯手打造的《聲夢傳奇》真人騷，原定3月7日舉行決賽，突然傳出煞停消息，《聲》監製陳旭亮承認：「係hold住咗，未知會唔會繼續，等志偉決定。」