珍藏任白劇照 謝雪心叩謝栽培之恩
童星出身的謝雪心，是一代粵劇名伶任劍輝、白雪仙的門徒，11歲已師承兩位粵劇泰斗門下，她說：「任姐好似爸爸，仙姐就好似媽媽，我哋冇畀過1毫子學費拜師學藝。」最近她應繽FUN星網節目鷹金庫夾萬特約《娛場x女人的秘密》受訪，談到由本名「孔令馥」改為「謝雪心」，她指當年「六姑」譚蘭卿解釋：「個名係感謝白雪仙栽培嘅心，我好鍾意呢個名，冇仙姐、任姐就唔會有謝雪心。」
內疚傷師傅心
師傅非常疼錫她們一班門徒，但她因結婚而傷透師傅的心，她覺得人生有很多階段，結婚時離開舞台，是因為覺得婚後生B才是對夫家有交代，6年後女兒珈潁3歲大，她便考慮復出，當時兩位師傅對望，然後任姐對仙姐說：「白雪仙，我哋嘅心願了喇！」她才知道當日只諗自己，原來令師傅很傷心：「做咗人媽媽就有咁嘅感覺，我有叩頭畀佢哋，多謝師傅嘅教導，但我覺得結婚唔係錯，我人生表面係嫁咗，其實係嫁咗畀演藝界，我點解咁努力，係要報答佢哋栽培嘅心。」
謝雪心收藏在夾萬的秘密，1張是任姐、仙姐演出《帝女花》的黑白照，因她首次參加「仙鳳鳴劇團」籌款演出的劇目同是《帝女花》，故很有紀念價值。而另1張是媽咪抱着她的舊照，她笑說：「爹哋話我細個好似公仔，好似洋娃娃咁得對眼，媽咪離開咗我，所以張相我珍而重之。」