「叱咤歌后」AGA（江海迦）日前率領首次見面的師弟妹Mike（曾比特）、Gary（趙浚承）及組合石山街齊拜年，她說：「睇到好多新進唱作歌手入行，各有獨特嘅聲音、故事、風格，覺得好正，勾起好多初入行嘅回憶！」又搞笑話被新人包圍似「升呢」做「奶奶」要派利是，問到屢獲音樂大獎，利是錢會否加碼？她笑說：「盡量啦！」

AGA每年必跟家人合力整蘿蔔糕過節，最難忘一次是刨傷手指。又自言是工作狂，今年如過去3年一樣，只留初一去拜年，到初二就「啟市」返錄音室創作。