任達華離家半年 掃貨氹妻女

日前他終於停工返港過年，完成隔離即換上戰衣，四出買禮物給妻女「慶團圓」。當日下午，戴帽及穿皮褸的他單拖現身中環一商場，先到地面名店兜圈揀心頭好，期間不停揭新裝介紹冊子，又與店員傾唔停攞意見，最後扑槌花5位數埋單。未幾他乘電梯到二樓，一支箭走到朱古力店外排隊，期間不忘與前面顧客交流，研究應如何選購。

已買到滿手戰利品的他看來有點狼狽，不過遇上路過粉絲要求合照及簽名，他都有求必應。隨後他再到附近花店，左挑右選後落訂，不難推斷是買花氹太太。前後逗留不過20分鐘，已完成所有「任務」，認真快靚正。

留港開工

事後記者聯絡上任達華，他笑說：「離開咗咁耐，點都要做啲嘢氹太太同囡囡嘅，佢哋收到禮物都好滿意。（過完年幾時復工？）其實我年三十晚都已經為新戲試造型，今次會喺香港拍，唔使離開屋企人嘞。」另外，囡囡晴佳日前換上紅色連身裙，扮到靚一靚拍照上載到社交網分享，相當吸睛。