樂宜鑽研命理 做大C級相士

身材惹火的樂宜，於新一年「福利」不減。

擁有34C「Big」爆上圍的「宅男女神」樂宜，社交網擁有超過40萬粉絲，人氣強勁，雖然與眼鏡店太子爺黃俊輝打得火熱，但仍然在社交網上載性感福利照，滿足粉絲需要。趁住牛年到來，她大解放騷出「事業線」化身「乳神」，為牛年升溫！

擁有火辣身材的她，必定會買定紅色內衣過新年，希望可以旺事業及財運：「每年會添紅色新內衣旺一旺。（着住賭錢？）我又唔識賭錢喎，但點都會着住。」雖然女神已被「私有化」，但表示不會封胸，繼續派福利照給粉絲，更自爆大部分性感靚相均由男友操刀：「今年冇咩公開活動，少咗同粉絲接觸，等佢哋唔好忘記我，所以影多啲性感相照顧佢哋。（男友介意？）佢要睇吓咩相，係佢影嘅話，佢就唔介意。（佢幫你影性感相？）係呀，佢依家學影相，幫我影得靚啲，其實最重要係佢想自己操刀，唔想我畀人睇蝕，同佢都拍咗兩年拖，佢好了解我，知道我好鍾意影性感相。」

今年未能去外地搵真銀，樂宜留在香港陪伴家人。

樂宜計劃多籮籮，還希望向堪輿界發展。

批自己加薪3倍

過去的農曆新年，她必定到外地打碟搵銀，今年因疫情關係，會留港與家人度過，說到過年習俗，她說：「年初一會同家人喺屋企食齋，初二拜年。」雖然收入大減，但過去一年自我增值，學習紫微斗數，望挑戰麥玲玲：「受疫情影響，大家都好似多啲睇命理方面嘅嘢，所以都想睇吓自己流年會點。（自己運程如何？）睇到呢幾年都幾好，我可以加多啲人工，算到可以加3倍人工嘅。（有冇幫朋友批過？）現階段都係同屋企人睇吓先，睇吓有咩要注意。睇到佢哋之前發生過啲咩事，佢哋都覺得OK。（挑戰麥玲玲？）都好呀，都係新嘅發展！」