最好人財兩得！ 彭慧中劉溫馨 擺水晶陣催運
同是港姐出身的彭慧中（Phoebe）與劉溫馨，近年在無綫發展不俗，溫馨在劇集《香港愛情故事》飾演石修第二任妻子，演技獲讚出色；而彭慧中一直深受網民喜愛，去年更獲無綫簽做「親生女」，由基本藝人合約轉為經理人合約。
試手鏈心大心細
早前2人被拍得結伴到灣仔Shopping，不少女生都愛行時裝店，她們卻選擇睇水晶，更對手鏈及盆栽擺設甚感興趣。Phoebe專睇有招財功效的水晶鏈，而溫馨則心大心細，試完一條又一條，又互相畀意見。睇完手鏈，2人轉往挑選由多種水晶砌成的盆栽，更對近萬元的擺設情有獨鍾，逐一細看研究。
事後記者致電溫馨，她坦言對水晶盆栽感興趣：「啲水晶擺設好靚，都想買嚟擺吓。」她睇中一盆有利事業、財運及智慧的，希望有助運氣全方位提升，問現時單身的她會否想要姻緣？她笑說：「我想事業行先。」而Phoebe則希望財運、姻緣兼得。
