前港姐冠軍謝寧昨日為新年特備節目錄影，示範以海味煮九大簋，寓意包羅萬有。她透露其曲奇餅店受疫情影響，生意額下跌逾3成：「冇晒遊客，好彩有港人支持，新年啲生意都算唔錯。」
她又指有商場不肯減租，其中機場分店因應政府要求，已經停業半年：「但我哋好少裁員，最多係自然流失，其他員工就分散去唔同分店幫手，最緊要前線員工健康，佢哋有事，對公司係好大影響。」
