李施嬅終於結婚，而她向來與「前度」再見亦是朋友，其中於2005年因拍無綫劇集《老婆大人》而撻着的「舊愛」鄧健泓昨日接受訪問，坦言一早知道對方的婚訊，更不諱言已見過其未婚夫，他說：「佢哋兩個好襯，祝福佢哋幸福快樂！」
而施嬅之前在港拍攝無綫劇集《金宵大廈2》的好拍檔陳山聰，笑指對方將戀情收得好密，隻字不提拍拖的事，他說：「梗係恭喜佢啦！真心講，我哋拍《金宵2》時佢冇提過任何嘢，連佢拍拖都唔知，佢收得好埋！收埋啲都好嘅，不過真係祝福佢，好戥佢開心。」