海俊傑近日除了忙於宣傳有份參演的劇集《陀槍師姐2021》外，亦正拍攝其他劇集，日前難得有空檔，他即出街放鬆，期間在街頭見到有人busking，便忍不住上前一同唱番兩嘴止歌癮。事後他激讚在街頭busking好好玩：「好開心呀！第一次喺街頭唱歌，行過見到啲年輕人為咗唱歌、分享音樂，喺咁凍嘅天氣都喺海旁唱歌畀人聽，見到佢哋嗰份熱情，令到我都想唱埋一份。呢段時間係咁拍劇冇停過，又太耐冇唱live，所以忍唔住出去唱，哈哈！」