張振朗最近因新劇《拳王》半裸演出而密密操肌，嚴格控制飲食。《拳》拍外景期間，他獲多名街坊集郵，更獲讚：「張振朗好戲！」劇集前晚終於煞科，由於拍攝過程太辛苦，他接受《東張西望》主持容羨媛訪問時感觸爆喊！
主持窩心送上碗仔翅慰勞他，然後再送上他於劇中半裸造型的巨型相片，他即眼濕濕表示：「唔簡單，但值得。好辛苦，無論由預備到拍攝，遇到好多難題，會打擊到自己信心。」並哽咽續指「海正藍」一角真的有血有汗：「依家第一件事就係想瞓個長覺，同屋企人食飯，分享呢幾個月嘅嘢，呢個角色真係唔容易。」