講錢傷感情 「媒人」黎諾懿無意入股
身為「蒙面」媒人的黎諾懿，對Yoyo的房地產生意並不知情，但大讚老友犀利及有生意頭腦：「佢個人好精打細算，而且同老公都好鍾意日本，所以做呢個生意都唔出奇。（有冇興趣入股？）我做生意唔會夾人，我鍾意一個人做，怕因為金錢問題而冇咗個朋友，始終係兩個人，一定有唔同意見，我寧願死喺自己手上，至少心服口服！」
問會否叫對方幫忙在日本買樓投資，或安排小朋友到當地升學？他說：「如果囝囝升學，應該會揀澳洲，而且我太太個大嫂係北海道人，投資都可能揀北海道，所以幫襯唔到佢（Yoyo）喇！」