小花指若現時再發生同類事情、或見到有人被性騷擾，絕不啞忍︰「比起以前我『辣』咗好多，總之一定會揭發，再衝上去幫個女仔或者男仔，一定唔會再啞忍！」提及她於片段中表示性騷擾經歷會成一世烙印，但自言已漸走出陰霾，幾年前鼓起勇氣向男友恆仔及閨蜜剖白：「事發當刻真係驚到唔敢同任何人講，好彩身邊有佢哋聆聽，其實今次拍呢條片有少少餘韻嘅感覺、回憶係衝咗上腦。」她又指男友聽到後零反應：「佢只係『吓』咗幾下。」問到於職場上可曾被性騷擾？她坦言沒有，又自嘲零魅力：「身邊嘅男仔、前輩當我係男仔，對我好似冇乜興趣，哈哈！」