歌手麥德羅與女友劉麗萍（Apple）前晚舉行網上音樂會，Apple表示因疫情關係生日未能擺酒，故開音樂會慶祝。她透露兒子身在日本，因疫情關係，母子已有2年沒見面：「佢喺嗰邊做歌手，但依家冇Show出。（會唔會資助佢？）我同佢爸爸樂意幫佢，但個仔話咁大個人唔想攞我哋啲錢。我有啲唱片公司朋友話欣賞佢，叫佢返嚟，但佢唔想靠我，我心痛又感動。佢為咗做音樂，會做散工幫補。」
