黎諾懿味蕾分勝負 選「煮」場至尊
黎諾懿及陳敏之為無綫飲食節目《煮場爭霸》擔任壓軸嘉賓，明晚播出最後一集，中西名廚黃亞保及張錦祥（Ricky）決一勝負！2人廚藝同樣出色，最終Ricky以冬蔭功調味，令「龍躉魚扣」這道菜式味道昇華，贏得2位嘉賓的票，成為總冠軍！黎諾懿昨日接受電話訪問時說：「其實保哥都做得好好，只係突出唔到味道，反而Ricky就用咗泰國冬蔭功調味，我第1次食，真係好好味！」
2位名廚識英雄重英雄，競賽中可見他們的合作及互相學習，保哥說：「節目反應好，好開心！監製教我點樣擺動作同講對白，進步咗好多，後尾再去《流行都市》拍攝，大家都讚我講嘢叻咗！（開拍第2輯？）我哋都好期待，希望有機會再鬥過啦！」
此外，黃亞保憑可愛形象成為新一代「師奶殺手」，他感激家庭觀眾支持，亦希望在疫情下為社會帶來愛和歡樂，故向低收入家庭特別送贈秘製的500底奶黃糕，昨晨更親自出席捐贈儀式。