麥大力自爆兩條心 盛勁為陸煥恆 未出道先爭女

最緊要學好廣東話

講到無綫即將開拍《衝上雲霄》短篇劇，安排得獎者參演，他們表示事前毫不知情，目前仍有好多細節未了解：「好似寫緊劇本，好興奮，我哋已經傾緊會一齊出去上Acting Class，希望可以將勤補拙。」麥大力笑說當務之急是要學好廣東話。

問到圈中可有心儀女神？他們即刻變怕醜仔，由最高級「機師」麥大力先「剖白」，最喜歡龔嘉欣及港姐謝嘉怡：「龔嘉欣之前喺決賽當晚已經有啲互動，令我好Relax，而謝嘉怡就因為大家都係Mix，兩個嘅中文都係唔正，幾好睇、幾襯！」

此時，盛勁為笑爆話跟陸煥恆撞對象：「我哋都係馮盈盈。（爭做男友？）OK喎！（點解揀盈盈？）感覺佢搞笑、開心，相對嚟講同佢熟少少。」陸煥恆就笑言恐怕不夠對方爭。被指是麥明詩緋聞男友的盛勁為自稱單身，說到盈盈也是單身：「係咩？隨緣啦！（佢算係較多緋聞嘅女藝人，驚唔驚傳緋聞？）估唔到呢啲嘢，但緋聞冇所謂，我都已經有一單。」

陸煥恆認有女友

陸煥恆自爆女友是新娘化妝師，交往半年感情穩定：「佢好支持我做藝人。（入行後使唔使畀多啲安全感佢？）佢識少少圈中人，有好多線眼！之前做空少個環境都五光十色，有好多靚仔靚女，最緊要做番男友應該要做嘅嘢。」若然之後拍劇有親熱戲份，女友會否呷醋？他笑言未諗到咁遠：「作為演員當然要專業，自己都有底線，但呢條底線就未諗。」

另外，陳約臨前日上載明珠台節目《港生活．港享受》開工照，見她與大力興奮合照，留言指合作愉快：「His First Day！（他的第一天）」她受訪時透露對方已加入節目：「大力係我哋固定主持，新加入我哋呢個大家庭，我係咁問佢關於做飛機師嘅嘢！」同時不忘大讚他表現專業：「唔好睇佢飛機師出身，佢背稿同講嘢好流利！」