江伊晴發脾氣 老公讚型化解
陳柏宇老婆符曉薇自家經營的網上頻道新1集，邀江伊晴、蕭唯展夫妻檔「講愛情」。以前只顧衝事業的江伊晴說：「愛情令我唔快樂，可能我遇到啲人唔係好夾，直到認識佢之後，覺得原來可以咁開心，就放愛情喺我人生中好重要嘅位置。」不過她大呻老公好長氣兼有嚴重潔癖：「煩到黐線，佢成日鬧我冇手尾，屋企家頭細務全部都係佢搞。」
談到相處之道，她續自爆婚後搣甩硬頸脾氣：「得兩個喺屋企，唔會有人知道輸同贏，咁點解大家唔可以好好咁傾？同埋佢最叻將我脾氣變成笑話，譬如我好嬲嘅話，佢就會話『好嘢！有型！』我就會爆笑出嚟！」