後巷被抽水 江嘉敏靠床上運動搣脂

Fit了不少的江嘉敏大晒「絕對領域」。

江嘉敏的角色是一個20歲網紅，不時四圍拍片，往往會拍到些不為人知的事件。劇情講她膽粗粗穿短裙襯長靴，去後巷找學生哥「攞料」，務求找出犯罪真相，期間被人搭膊「抽水」，但她受訪時笑言現實中從未受過「小鮮肉」傾慕。

• 江嘉敏去後巷攞料，結果被人搭訕摸膊頭。

日日受誘惑

提到男友之前叫她減肥，身形明顯消瘦的她說：「其實劇入面我係火鍋店太子女，所以呢幾日拍廠景不停打邊爐！我本身已經戒咗澱粉質，每日主要食菜，個個都話我瘦咗啲。（有冇做運動？）我喺床上面做5分鐘Work out，好勤力，真係有效！」

新年例必增磅，她指母親已表明不會買年糕，但會自製健康糕點，又笑說：「已經有好多客戶好錫我，送咗好多糕點畀我，我會食嘅，攞個意頭嘛，但只限1、2件！」又指今年準備了5位數字封利是，笑說：「派多啲、賺多啲！」