林德信同人母好啱傾
藝人林德信（Alex）近日跟編劇李敏長女李賞，於ViuTV新劇《太平紋身店》飾演兩兄妹，一齊打理餐廳業務。Alex笑言角色有藝術家性格：「一煮嘢食就好投入，唔理其他嘢。導演好好，安排咗專業廚師跟場，學咗好多嘢，之後都多咗煮嘢食。」
至於李賞原定返英國繼續讀書，但因當地疫情嚴峻而未有起行，因禍得福下留港宣傳處女劇：「拍出嚟效果好滿意，期待多過緊張。（有冇問媽咪意見？）佢畀好大嘅自由度我，又會成日嚟探班。」不過踢爆媽咪另有目標人物：「佢唔多理我，淨係同Alex傾偈咋！」Alex聞言即說：「你媽咪好幫到我，一路睇住我哋嘅表現，一路去寫新嘅角色發展方向，未試過拍一套劇可以同個編劇咁Close，同步設計角色，覺得呢次合作好難得。」