Naomi零收入 慳買$12燒賣頂肚

早前「揞名爆」在網上追債的藝人馮鎵瀠（Naomi），因經營的美容院無限期停業而入不敷支，要靠積蓄度日。日前她在銅鑼灣一間茶餐廳外徘徊，看了幾眼餐牌後黯然離去，轉往附近便利店，在微波爐食品架上左挑右選，最後改變主意，買下12蚊燒賣當午餐，不消1分鐘便食清光，然後到超市買消毒用品，再登上電車離去。
Naomi在便利店食燒賣，盡量在食方面慳錢。
Naomi在便利店食燒賣，盡量在食方面慳錢。

記者致電Naomi，她指美容院已停業超過120天，舖租跟人工合共損失6位數，加上不少公開活動延期或取消，她已有多個月零收入，只好盡量節衣縮食：「朋友打邊爐叫埋我，我就去黐餐，上個月生日，好多朋友請食飯，又慳番啲。依家唔去茶餐廳，食吓便利店嘅嘢食，即食燒賣最平12蚊，叮叮燒賣就要13蚊，慳番1蚊留嚟搭電車。」問到美容院重開後如何加強防疫措施，她說：「本身有清潔姐姐，亦有好多即棄用品，例如拖鞋、保護袍、床單，好貴但唔慳得。」

Naomi搭「叮叮」，慳得一蚊得一蚊。
  • Naomi搭「叮叮」，慳得一蚊得一蚊。