由美國男星湯告魯斯（Tom Cruise）主演與監製的《職業特工隊7》（Mission: Impossible 7）再傳出幕後風波，有指英國工作人員不滿在禁飛令後要前往中東拍攝，擔心回鄉無期，怨氣直指靚佬湯！
新冠肺炎疫情仍然肆虐全球，荷里活大片《職7》多次因為疫情導致拍攝延誤，靚佬湯早前被爆於片場喪鬧違反防疫規則的工作人員，引來部分人員辭職，他又在片場放置監控機械人，令現場氣氛相當緊張！而電影完成英國的拍攝部分，移師阿聯酋取景，卻又爆發幕後怨氣！
由於英國實施防疫禁飛令，有英國工作人員擔心前往阿聯酋後，不知何時才能返回家鄉。知情者透露：「依家好多製作團隊嘅人，尤其係比較後生、人工唔高嗰批，非常憤怒，佢哋只係想返屋企。」
另外，亦有工作人員受訪時爆料表示：「我哋覺得諸事不順，士氣好低。我哋好多人只想放低件事，等疫情過咗先再算。但阿湯非常執着要完成部戲，冇嘢可以阻止到佢。佢係非常有決心嘅一個人，雖然好令人佩服，但其他人就覺得佢好難頂！」