趙希洛線上學廚獨食
早前為飲食節目擔任嘉賓的趙希洛，日前在活動上笑指平日多煮西餐，不過今年專注拍劇，相信廚藝會退步。她透露2年前的聖誕節，曾在網上付費學習炮製威靈頓牛柳：「難度係超級高，我畀錢跟住個步驟整，佢寫得好詳細，我亦跟足晒點調味，但冇人信我整到，所以製成品唔同人分享，最後自己食晒！（朋友有冇叫你整畀佢哋食？）依家我唔食牛，冇再煮喇！」
談到日前在網上節目大爆好姊妹黃智雯的選美「泌」聞，趙希洛說：「因為上次佢整蠱我，所以到我報復！呢個秘密同屆港姐個個都知，講起即刻回憶返晒嚟。其實當時我哋唔係好熟，大家號碼唔同，中間相遇時間好少，唯一會交流就係呢樣嘢，漸漸就熟咗！」