小朋友都冧連詩雅唔Mind變姨姨

歌手連詩雅（Shiga）早前出席公開活動，談及去年踩過界拍劇，在《那些我愛過的人》飾演方書文醫生獲好評，還吸納不少小朋友粉絲，她坦言喜出望外：「好感恩，觀眾透過套劇認識我另一面，劇入面個姨娚女叫我『書文姨姨』，所以依家去邊，啲小朋友都係咁叫我，好有成功感！大家好記得呢個角色，第一套劇已經有呢個成績，真係好開心。（今年有冇新作？）應該會有《金宵大廈2》同《刑偵日記》，希望仲有機會拍劇啦！原來除咗唱歌之外，拍劇都會令自己好享受。（唱歌方面有咩新動向？）錄咗2首歌，會喺適當時候推出。」