唔擺桃花陣 龔嘉欣預告派雙封！

出爐馬國視后龔嘉欣昨日為無綫節目《你又估我唔到》擔任嘉賓，直言想在「掘金」環節中獎，目標是贏得7萬日圓（約5,180港元）幫補派利是的支出：「今年會派雙封，因為之前攞咗獎，但利是封都係『龔』字，冇特別喜事。（攞完獎工作量大增？）多咗網上廣告，希望今年可以承接2020年嘅好運，如果更加好就開心啦！」她透露大年初一要開工，之後會約好姊妹陳凱琳拜年，並再次澄清對方沒有懷第3胎：「其實當日條片有講嘅，如果係有應該輪到我先，不過我連對象都未有。（喺屋企圍住桃花轉囉！）之前同姚子羚住嗰陣已經擺，都唔得嘅，擺咗6、7年！呢2、3年冇擺，驚招惹到爛桃花返嚟。」