歌手J.Arie（雷深如）日前接受電台專訪，剖白由港大法律系「才女」，為新歌《陰陽道具》而變成「性女」的經過，她說：「我好鍾意人封我做性女，想做好耐！2016年有首歌《天秤先生》想用性做題材，但有公司就有掣肘，認為女歌手要斯文。」
她坦言試過收入不穩定：「以前或者1個月有幾千蚊收入，但舊年全行都停，試過戶口得番80蚊，依家做歌，每首成本起碼10萬。」又稱父母不滿她放棄做律師，試過出言「潤」她：「你睇吓細佬做咗律師幾開心，要唔要塞幾千蚊畀你使？」
